K A L I M T A N O N

kakuwang kini sa paghinumdom ug pagtimaan sa mga butang nga angayan ug pagtagad, pag-atiman, pagtuman ug pagsunod. 


kasagaran, masinatian ang pagkakalimtanon kon muabot na ang katigulangon, kon ang kahuyang sa kalimot maoy magtubod. 


si Dodong nakadungog ug sitsit.
"Pssst. Dia ko diri naghulat nimo." pulong ni inday nga busyad ug tiyan. 

"Ah, ikaw diay? Sori, unsay ato?" ni dodong nga blanko ug tinan-awan.

"Naunsa gud ka, ikaw may nakapamabdos nako. Nagkailaila ta, nagkadungan ug pamahaw. Unya..." ni Inday.

"Day, wala ko kahinumdom nimo. Nakasiguro ko nga dili to ikaw ang akong nakaila pila ka bulan lang ang milabay. Gamay man to siya ug tiyan nga pareha nimo ug nawong." ni Dodong.

"Magpahibalo man gud unta ko nimo pud nga akong ipakompleto ug hulma kining akong gidala."

"Mao ba? hala sige day, nahinumdom na ko. Dali, atong tiwason ang akong nasugdan. Kompletohon nako aron mahimong tawo ang atong gisaw-ang pamahaw kaniadto." pwerteng nakangisi ni Dodong. Nahinumdom na siya.