Kaban ni Atty. J. B. Jimenez: D E M O L I S Y O N

Naunsang Hitaboa Nga Ang Mga Lumad ?

Nahimong Linimbongan Sa Yutang Gisaad ?

Naunsang Paagiha Nga Ang Tinuod Nga Pilipinhon ?

Nahimong Iskwater Sa Nasud Niyang Kaugalingon ?

Nganong Ang Mga Dumuduong Ning Atong Nasod ?

Maoy Naghakop Sa Mga Yuta, Ug Ang Lumad Naglisod?

Nganong Ang Pilipino Paga Daugdaogon ?

Sa Yutang Gibisibisan Sa Dugong Tabunon ?

Nganong Ang Mga Gikan Sa Laing Kanasuran ?

Mao Nay Nang Hingilin Sa Atong Mga Kaigsuonan?

Nganong Ang Tag-iya Sukad Pa Sa Unang Panahon

Gipalayas Hinoon Sa Mga Gamhanan Pinaagi Sa Demolisyon?

Nganong Kinahanglan Nga Mo Utang Ug Kinabuhi ?

Sa Mga Demolisyong Pinaagi Sa Lipot Ug Pag Budhi ?

Unsa Na May Mahitabo Sa Mga Pilipinhong Gipalayas ?

Maunsa Na Lamang Ang Mga Pangandoy Nga Nangapakyas?

Asa Na Lamang Paingon Silang Gihikawan Sa Ilang Dignidad?

Unsa Na Intawoy Mahitabo Sa Katungod Diin Ang Damgo Gipasukad?

Ge demolis Nila Dili Lamang Ang Barong Barong Nga Pinuy-anan ...

Kon Dili Ang Tanang Paglaum Nga Dugay Na Nila Untang Inampingan. . . .

(Bug-os ang pasalamat sa  KAHAYAG  ngadto sa nagsulat sa  garay   nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK.).