P A N G A N D O Y

nanaghoy si Manoy, dala ang pangandoy

Kini ang pabilo sa inadlaw-adlaw nga panlimbasog ug panglihoklihok. Lapad ang luna nga makita sa mangandoy, walay kinutoban ug dili ka bation ug kakapoy. 

Sa kadaghanan, walay makapugong aron ikaw mahimong adunahan ug gamhanan, bisan hagip-ot ug siot ang kahimtang, mahimo ang tanan, sa pangandoy lang. 

Sama sa binuhat nga si Manoy.  


Masulob-on si Manoy, kanunay na lamang maghapuhap sa iyang sunoy nga nahutdan ug umoy, ipaagi na lang ang tanan sa taghoy. Kon duna may magsurangsurang, sayod si Manoy, sa kawalay umoy sa iyang sunoy, dili na kini makabatog, kanunay na lang magpabatog.