Kaban ni Inting Botikol (JSL): ISANDIG BA NATO ANG ATONG PAGLAOM SA SUGAL?

 Kasagaran karon sa mga Pinoy maglaom nga madato ug makakwarta sila sa sugal sama sa casino, masiao, lotto labi na sa swertres ug bulang kada Domingo. 

Hugot silang maglaom nga mahaw-as sila sa pagkarabanit sama sa ilagang pawot gikan sa sugal. Apan sa sugal maglabi ang pildi kaysa imong daog. 

Ang mga bilyonaryo sama nila ni Henry Sy, John Gokongwei,  Lucio Tan ug Danding Cojuangco wala magsalig sa sugal apan sa pagpaningkamot  nga mousbaw ang ilang negosyo. 

Daghan nang mga sugarol nga gihuboan sa ilang purol tungod kay gipusta ang ilang balay ug mga kayutaan sa sugal sa Casino apan walay swerte kay pildero man sila. 

Hala,  manugal pa ta!!!

(Bug-os ang pasalamat sa  KAHAYAG  ngadto sa nagsulat sa  artikulo nga si  JENNER S. LOBEDICA. Nagtakuban siya sa pangalan, "Inting Botikol".  Usa siya ka magsusulat sa mga lokal nga peryodiko sa dakbayan sa Sugbo sama sa Banat News isip magtatampo ug mga binisayang artikulo ug  uban pang mga tagik sama saa sugilagming.  Nagsugod siya sa iyang panulat sa tuig 1982. Gradwado siya sa kursong abogasya sa University  of San Jose Recoletos. Napatik kining  maong artikulo sa Banat News kaniadtong Hulyo 5, 2012)..