U G A T

kini ang latayan sa kusog nga magikan sa tiilan padulong sa ulohan, 

ampingan gyud ang ugat, kini usab ang yawe sa paghulma ug liwat,

bisan asa, bisan kanus-a, dili hunongon, kanunayng magmadasigon

sa pagtugkad ang buhat nga mogamit ug ugat, gamay ug dako'ng ugat,

adunay  mangugat, mopaugat ug magpaukay sa  ugat,  dunay  magpaugnat 

sa makanunayong pagsunod sa buluhaton sa ugat, hangtod mangalibat. 

adunay panahon, bation mo ang kakapoy, kon masubraan makalumoy

higala,  sabta nga kining tanan, kabahin sa dakong gasa sa kahitas-an.