Kaban ni Atty. Josephus B. Jimenez: UNSAON PA ANG MGA PAGDAYEG, KON PATAY NA ANG MGA BAYANI ?

Pagka tam-is sa mga pulong nga akong nadunggan,

Sa Mga Politiko, Mga Negosyante Ug Mga Gamhanan,

Pagka Mananoy Sa Mga Awit Nga Nag-asoy Sa Binuhatan,

Pagka Humot Sa Mga Pungpong Sa Rosas Ug Ubang Kabulakan,

Apan Sayang Kay Wala Na Ang Mha Baani Ning Maot Nga Kalibotan.

Pagka Dalayegon Ang Pagukbo' Sa Mapasalamatong Katawhan,

Mga Kabus Ug Inayran, Mga Mayokmok Ning Mapahitas-ong Katilingban,

Uban Sa Mga Adunahan Ug Halangdon, Ang Tibuok Nasod Nanag-ambahan,

Ang Tanan Mga Pagdayeg Sa Mga Mahinungdanon Nga Bunga Ug Kahulogan,

Apan Lagi, Wala Na, Wala Nay Gibug-aton, Pag Ka Kawang, Kawang Ang Tanan.

(Bug-os ang pasalamat sa  KAHAYAG  ngadto sa nagsulat sa  balak  nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK.).