Kaban ni Atty. Josephus B. Jimenez: HAUM...

Haum ang  mga pulong nga gipaangay sa musika,
Haum ang mga ang garay nga gihatagan ug mga nota,
Haum ang mga Kinaiyanhong talan-awon didto sa banika,

Haum ang mga balitaw ug balak, mga harana, awit ug kanta.

Ang Mga Tokmo Ug Punay Sa Mga Sanga Sa Kahoy, Haum,
Ang Mga Dangoyngoy Sa Mga Mangloy Ug Gangis Sa Kilomkilom, Haum,
Ang Mga Hunghong Sa Balod Nga Gikan Sa Lawod Nga Halawom, Haum,
Ang Mga Laylay Sa Inahang Nagduyan Sa Anak Nagdala Ug Paglaum, Haum.

Haum Ang BanagBanag Sa Bag-ong Gipahimugsong Kabuntagon,
Haum Ang Pag Uha Sa Usa Ka Batang Natawo Sa Ginikanang Malaumon,
Haum Ang Mga Pahiyum Sa Mga Kabus Nga Nanglimbasog Ug Nanag Madaugon,
Haum Gayod Ang Tanang Minugna' Ug Hitabo' Sa Makagagahum Nga Maapinanggaon.    

(Bug-os ang pasalamat sa  KAHAYAG  ngadto sa nagsulat sa  balak  nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK.).