Kaban ni Atty. Josephus B. Jimenez: L I N O G.... L I N O G.. . .L I N O G

Ang Kalibutan Mikurog...gi-uyog, giyugug,

Ang Katawhan Nangalisang Sa Dakong Linog,

Sa 7.9 Ang Maong Linog, Hilabihang Kakusog,

Mga Kaabanay Nga Tua Sa Laing Nasod, Nahinoklog.

Kining Tanan Mga Hadla Lamang Ni Bathala, Sulog Sulog,

Kay Niining Kalibotan Ugod Nagkadaghan Ang Mga Bulay-og,

Gipahinumdoman Ang Mga Tawo Nga Dili Magpalabi Sa Hambog,

Ang Mga Mapahitas-on Dili Magpauang Sa Kadalo Ug Sa Ka Hakog,

Aron Dili Ang Tanan Nga Mga Kalog Sa Mga Tsunami Ibaalibag,Ibulabog.

(Bug-os ang pasalamat sa  KAHAYAG  ngadto sa nagsulat sa  balak  nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK.).