Kaban ni Atty. Josephus B. Jimenez: SA MATAG KAMATAYON, MAY MOGITIB NGA PAGLAUM...

Sa matag kilomlilom, may bidlisiw nga masaaron,

Sa matag kagahapon, ang ugma mahimong karon,

Kon mapukan man ang punoan bisag unsa ka lubason,

Mahubsan gani ang salog bisan unsa kalawom kon lagbason.

Sa matag lantong sa dagat, may nagpa-abot nga baybayon,

Motaob man o mohunas, ang balod way hunong, magapadayon,

May paglaum nga mogitib nga labawng gamhanan kay sa kamatayon,

Bisan mabugto' ang gininhawa, sa pagtiurok and kinabuhi di mo-uyon.


(Bug-os ang pasalamat sa  KAHAYAG  ngadto sa nagsulat sa  balak  nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK.).