Kaban ni Atty. Josephus B. Jimenez: PARAYEG UG TAMPAROS

Nagpauraray unta ang mga balas sa maamomahong Baybayon,

Apan Gitamparos man sa Habagat Ang Mga Balod Nga Parayegon,

Maong Mingurob sa Kasuko ang Kinaiyahang Nahimong Madaugdaugon,

Gibanlas Na Hinoon Ang Mga anong Damgo Ug Pangandoy Ning Kabus Nga Banikanhon.

Gisabak Man Unta Sa Malig-ong Sanga Sa Tugas Ang Gamay Nga Alimokon,

Nagparayeg Man God Ang Langgam Sa Nagmahal Kaniyang Kahoy Nga Lubason,

Apan Gihampak Man Sa Amihan Ang Punuan Niadtong Dakong Kahoy Nga Mapasigarbohon,

Ania Naghilak Ang Timawang Langgam Hinoon.


(Bug-os ang pasalamat sa  KAHAYAG  ngadto sa nagsulat sa  balak  nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK.).