KATKAT

Buhat nga mopataas

Magpasabot ug kakutas

Imong kusog maugtas

Kanunay’ng maghingutas

Ang mga mata manglurat

Kitang tanan, makakatkat.

Kon babaye ang mokatkat,

Bantayanan kay makabughat

Kon  bag-ong panganak, maahat.

Adunay mga mahiligon

Ang katkat sayon-sayonon,

Mukatkat gayud, bisa’g gutom

Bahala’g  ang nawong lusparon

Agtang kunoton, buhok ubanon,

Dili mabangbang, kay buluhaton

Matapigas man  ug mahagbong,

Pakatam-ison, bisa’g may kahabogon

Kini katkaton, KAPAYAS  nga may gidak-on!!!