Kaban ni Atty. J. B. Jimenez: P....A....N....A....M....I....L....I.....T. . . .

i

Talikdan Ko Na Lamang Sa Dayon,

Ikaw Tuig Nga Mapasagaron,

Biyaan Na Lamang Sa Baybayon,

Sa Malapasong Panahon,

Kalimtan Ko Ang Kamatayon,

Nga Gihan-ok Mo Sa Kasayon.

i

Papason Ko Sa Akong Panumdoman,

Ang Mga Tamparos Sa Kapalaran,

Pugson Ko King KasingKasing Samaran,

Nga Ang Kaguol Mahikalimtan,

Tabunan Ko Sa Handurawan,

Ang Kahapdos Sa Tanang Kagul-anan.

iii

Adto Ko Sa sunod Tuig Pangitaon,

Ang Masanag Nga Kaugmaon,

Adto Ko Sa Umaabot Nga Panahon,

Ang Halligi Sa Mga Pangandoy Ugbukon,

Didto Sa Tumoy Sa Bungtod Ko Lantawon,

Ang Bag-ong Paglaum Nga Masanagon.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)