Kaban ni Estela: KASINA

KASINA

Ang mata'g usa kanato adunay gihambin nga kasina sa uban..

kasina sa ilang kaharuhay,

kasina sa ilang kabtangan,

kasina sa ilang kalipay,

kasina sa ilang kinaadman,

kasina sa ilang panagway,

kasina sa ilang kalampusan.

Taas ang listahan sa angay kasinahan, apan kini dili igsapayan,

kon ang maong kasina dili mosangpot sa pagbuhat ug dautan.

Tungod kay kon kining maong kasina pasulabihan ug pasiundayonan,

Nan posible gayud nga mohantong ngadto sa kaalautan.

Apan kon ang pagkasina sa unsay anaa sa uban,

Himuong inspirasyon aron makab-ot ang ting-usbawan.

Kini aduna'y maanindot kaayo nga sangpotanan,

(Bug-os ang pasalamat sa KAHAYAG ngadto sa nagsulat sa garay nga si  Estela Parnoncellon-Jorza,  usa sa mga binuhat nga naghupot ug bulawanong pluma sa panulat sa pinulongang binisaya, kang kansang mga sinulat napatik  sa grupo Ludabi sa Facebook).