Kaban ni Mario: TUDLO

Tudlo

Kung naa'y hunahunaon

Sa tampihak itapion,

Usahay sa pagtilaw

Mao ang gamiton,

Gamiton gihapon

Pagkuhit sa mala'ng abog

Sa mata ug ilong

Sa sayo'ng kabuntagon,

Butangan og tinta

Panahon sa eleksyon

Aron dili makalimud

Ug dili makapanglimbong,

Ang sabaa'ng baba

Dali'ng mohilum

Kung kuoton sa ilalum

Ang usa'ng nagtak-um,

Mao'y modumdum

Kung naa'y pangitaon,

Unsaon na lang kon

Kini artraytison?

(Bug-os ang pasalamat sa KAHAYAG ngadto sa nagsulat sa garay nga si  Mario Vincenzo Menchavez Mandal, usa sa mga binuhat nga naghupot ug bulawanong pluma sa panulat sa pinulongang binisaya.)