Kaban ni D_BystandeR: DAGHAN ANG NABAWO, SA PASALIG NGA HUNGAW

Paminaw ko imbis daghan ilang gituohan nga ilang makabig nganha sa ilang politikanhong pundok mas 

daghan ang nabawo ug naglagot kay dihay tiguwang, 75, sayo pa sa buntag miadto na aron makapwesto apan wa gyuy bisag gamay na lang nga nadawat unya napasahan pa sa gutom! Daghan kaayong tawo ang nangapalaw sa ilang gibuhat nga pasikat pinaagi sa nabantug nga programa ni Willie Revillame nga "Wowowie" ug daghan ang nag-agap nga makapremyo apan diay binali ang nahitabo. Ug tungod sa kalagot sa mga tawo mogawas nga ang resulta binali. 

Sama ra nga nagkuha si Mike Rama ug bato unya gidokdok sa iyang ulo! Pagka-makaluluoy!!! Klaro na kaayong pildiro si Rama!!!

Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)