Kaban ni Mario: MAYO 13

Mayo 13

Matud ni Gwen Garcia

Sa siya gobernador pa,

''Ang buhat pasultion,

Dili sulti ang pabuhaton.''

Si Agnes pud nag-ingon

Ug ang kauban'g si Junjun,

''Ang limbong sugpuon,

Ang sayop saktohon.''

Kinsa kaha g'yud

Ang nagsulti sa tinuod?

Kung si PJ pasultion pud,

Gusto niya Padayon Jud!

Pagkanindot paminawon

Apan subo palandungon

Nga ang mga gipamulong

Madungog lang kung eleksyon.

Sa Mayo 13 puhon

Pahimuslan nato ang higayon,

Dili nato hataga'g higayon

Ang mga mapahimuslanon,

Ang mamalit og boto

Dili nato pilion,

Ang mamaligya og boto

Maayo'ng dili papilion.

(Bug-os ang pasalamat sa KAHAYAG ngadto sa nagsulat sa garay nga si  Mario Vincenzo Menchavez Mandal, usa sa mga binuhat nga naghupot ug bulawanong pluma sa panulat sa pinulongang binisaya. Magsulatan siya sa grupo'ng LUDABI sa facebook)