Kaban ni Atty. J. B. Jimenez: GANGHAAN

G....A....N....G....H....A....A....N.... 

i

Kon Kanus-a Andam Na Akong Mosulod,

Takop Mo Di Ka-ablihan, Bisan Pa'g Itulod,

Kon Kanus-a Ako Mihukom Pag Talikod,

Mibukas Ikaw, Human Sa Pangluod.

II

Luyo Sa Malig-on Ug Maampingon Mong Takop,

Naga Tago Ang Mga Gumonhap Nga Di Malukop,

Sulod Sa Lawak Nga Gibantayan Mo Pagsakop,

Nag Buntaog Ang Mga Tanghaga' Nga Di Sarang Mahakop.

III

Nganong Kanunay Ka Nga Namakak Ug Naglimod,

Mangulipas Nga Uga, Bisa'g Tin-aw Nga Nahumod,

Nganong Idumili Ang Tinuod Nga Ikaw Nahisukamod,

Sa Pag Agni Sa Kamatuoran Wala Kay Pagtamod.

IV

Unsa' Ba Gayod Ang Naga Tagong Mga Bakak,

Nganong Ang Mga Luha Gisalipdan Sa Bahakhak,

Unsa'y Naingnan Nga Mga Tiunay Gipanag Buak,

Ug Ang Mga Lapyo Nga Bio-os Gipanag Sabulak,

V

Luyo Kanimo, Nag Pahipi Ang Daghan,

Mga Tigmo Ug Tanghaga' Nga Di Hisabtan,

Ikaw Unta Mao Man Ang Gisaligang Agi-anan,

Nganong Kanunay Nga Sarado  Ang Imong  Atubangan.

VI

Kon Unta Kanunay Nga Bukas,

Makita Ang Kamatuoran Nga Naga Hukas,

Kon Unta Ibutyag Mo Unsay Luyo Sa Mga Kasikas,

Masinati Ko Unta Kon Unsa'y  Pikas Sa Mga Tikas.

VII

Kon Unta' Dili Ka Mahimong Tigsa.limbong,

Kon Unta Dili Ka Mangunay Pag Tabon,Pag Pugong

Aduna Unta'y Sarang Agi-anan Ang Mopakgang Sa Limbong,

Ang Mga Pag Budhi Ug PagTuok Sa Matuod Dili Unta Molabong.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong