Kaban ni Atty. J. B. Jimenez; WALAY UNDANG NGA ULAN........

WALAY UNDANG NGA ULAN........

Padayon Pag Buhagay, Ulan,

Hugasi Ang Tanangy Sala Sa Kalibotan,

Ang Mga Dagkong Lampingasan,

Ibanlas Unta Sa Kalaworan,

Ulan, Padayon, I-anod Ang Mga Kalapasan,. . .

Sa Mga Walay Balatian,

Ihatod Sa Halayong Lapyahan,'

Sa Pakyas Nga Kapalaran'

Ayaw Gayod, Ulan, Pagtua-ang,

Aron Alimpongatang Sa Pag Salimuang,

Ang Mga Walay Tanlag Nga Buang,

Nga Ang Pag Pangawat Way Undang,

Ibundak Ang Labing Kusog, Ug Asdang,

Paulana Ug Balaraw, Bangkaw Ug Sundang,

Pabahaa Nga Way Pag Kutat Ni Pag Alang Alang,

Aron Ilang Matagamtam ang Silot Nga Mahalang.

Hala, Buhagay Ulan,

Dinhi Ning Mahugaw Nga Kalibotan,

Bisag Maangin Ang Mga Buotan,

Basta Masumpo' Ang Mga Dautan,

Bugahi Ug Dagkong Mga Hampak Sa Katarongan,

ULAN, Siloti Ang Mga Walay Balatian,

Undanga Na Ang Mga Kalapasann

Aron Maga hari Ang Katarungan.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)