L U G O D

LUGOD

nagpasabot kini’g pagtangtang sa subra,

buling ug hugaw'ng wala kinahanglana,

gamitonon sa hawananan, mutangtang,

makaibot, manghulbot ug mudatom sa  kinauyokan,

sa kinabag-an, nga gisurangsuran’g,

nagkapuliki sa  kapanginabuhian,

bulsang hungaw kanunay’ng malugod,

basin pa'g kuwarta moabot ug  motubod,

dili lamang ikalugod, makuwartahan usab ang lugod

kon masubraan,  hapdos ug makapaksit ang lugod,

sayon kining madangpan, dinaliang gabayan

yawe sa tunhay ug limpyo natong  kapaingnan…