Kaban ni D_BystandeR: BOMBERO, MOPASAKA UG KASO BATOK NI MIKE

That statement of Mayor Mike Rama saying he doesn't want to be disturbed by the statement of BFP Director Ma. Luisa Hadjula is for him trying to gather whatever strength that he  has to make himself looked formidable against the backdrop of administrative charges and a disbarment case filed against him by the latter in Manila. Anhi na dinhi makita ang katag nimo Mayor Mike Rama kay naanad man lang ka ug panaugdaug sa mga pobre nga mga iskwater nga sayon-sayonon lang nimo ug pa-demolisyon tungod kay para nimo sila way bili sa imong mga mata kay wa man kay makuha gikan nila.

Apan kon  mahitungod na gani sa mga huwes nga nangayo nimo ug tabang pinaagi sa ilang "monthly stipends" kusog kaayo ka nga nangugat aron sila kahatagan tungod kay ikaw nagtuo  nga dako kaayo sila ug ikatabang nimo mahitungod sa imong mga kaso nga gipasaka sa husgado diin ang imong mga huwes nga tinabangan maoy mopakanaug sa ilang hukom. But BFP Director Hadjula is smart enough to file her cases against Mayor Mike in Manila Ombudsman as well as the disbarment case in the Office of the Integrated Bar of the Philippines.  Anhi dinhi masukod ang pagka-maayong laki sa atong talahurong Mayor sa Sugbo.

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata. Makadawat siya sa inyong mga hunahuna mahitungod sa iyang sinulat sa johnnylobedica@yahoo.com)