ININSEK NGA BAG-ONG TUIG

Kung Hei Fat Choi matod pa,

mamungingi sa mabulukong pagpaila,

dakoldakol, sayawsayaw sa karsada,

magbitbit ug higanteng bakunawa,

bag-ong tuig, bag-ong puhunan,

negosyo dili pasagdan,

bisag ginagmay basta makabawi lang,

mga insek, mga nawong daw insek,

may musulay ug ininsek,

sa dagkong tingog ipalanog,

ipaandam ang pansit ug chop suey,

miswa, may sinabaw ang subak manglangoy

may manguhit, may kontento’s painit

magdala’g tuhog ug panuslok sama sa chopstick,

tikoy lutuon sa mantekilya, mamilitpilit,

pagkaalegre, saulogon ta ang Kung Hei Fat Choi

KAHAYAG