PISTA

kalihokang nagdala ug kasaulogan,

kapistahan, pasidungog sa giampoan,

pahinungod, pasalamat sa kabulahanan,

kinan-anay, mga singot magtabisay,

magkapuliki, hugupan ang tagbalay,

mga gutom, magsinikhanay,

samtang plato ug tinidor magsininkiay,

bahal, kinutil, maglamoklamok,

binotelyang lapad ipangyarok,

ipasapasa, hangtod mangahubog,

saaran, tiniman-an, pista ang katumanan

sa tinuhuang natisok sa kakaraanan,

migamot, milipang hangtod sa kabag-ohan...

KAHAYAG