MASAHE

MASAHE

magdalag lawom nga mensahe, magsugod sa pagpatuyhad, pahiuli sa kapiskay'ng mibalit-ad, kon masubraan, kon pakapinan, sa balhibo ikaw panglimbawotan,

makapatikig, makapaursa, makapahubas sa bulsa, makapasaag laing dalan masubay, dili tukma nga pagpisil sa ugat,  kini makapalunhat,  makapasamot sa  inat,

mahimong gastado kay lagi mangyawat, kalimutaw walay pupamilok, may mohagok, maigo diay sa masaheng makapabagtok, hasta gininhawa motiurok..