IMBESTIGASYON

panukiduki sa panghitabo,

pangutingkay sa gikagubtang taho,

maglumbaanay'g kuykoy sa nanimaho,

buluhaton kining dili masayon,

katawhan mahimong maghuhukom,

kon imbestigasyon gipasubay ba's tinarong,

kasagaran atong madunggan,

ang banggiitan kuno nadakpan,

panagwayng magping-it, makit-an,

bulingit, ngil-ad ug nawong,

halhal, pangag, pahak, lusparon,

“sulbad na!” imbestigasyon taposon,

apan sa hilom, ang pobreng dinakpan,

gihimong tabon sa kamatuorang gihikaw,

pinunitan sa imbestigasyong siaw..

KAHAYAG