LISTAHAN

LISTAHAN

tamdanan sa hisgotanan’g,

makapatingkag sa dunggan,

dangpanan’s mga abtik ug kukhan,

magpasiatab magtangkil ug listahan,

magpatuotuong iyang maablihan

ang mga  baho nga tinan-ogan,

apan sa unahan, may laing listahan

kuno mas kompleto iyang gikuptan,

pakapinan pa'g pakunot sa agtang,

may listahan sa mga mat-an,

buaya  sa bahandi sa kagamhanan,

sa kaban siya  mangukadyang,

kuno makapatay-og, makapakurog,

balhibo manlimbawot kon may gitagoan,

apan wala kay angay'ng kabalak-an,

sinakong listahan dili kahadlokan,

kon imong konsiyensiya kapanaminan,

gitisok mo ang maayong panag-ingnan...