HIMULBOL

sagol gilok ug hapdos paminawon ang himulbol,

tiaw mo bay kini pagpangibot sa balhibong sambol,

balhibong baga ug nipis hutdon ug larot,

magbilin kinig hapdoshapdos, nawong magkulismaot,

samtang katolkatol kon balhibo manurok,

mag-agad kini sa katuyuang gusto nimong maabot,

ang pagpanghimulbol buhat nga pagpanghawan,

kini pagpahapsay sa labong nga pagahikit-an

tagana kini’s hingaon, hilig sa balhiboong kan-onon

mas deretso ang pagtulon, bisan dili na lang usapon,

kon mahawanan ang kabalhiboon, ukiton

ang kaundanon, magtagbaw's lamiang kan-onon..

KAHAYAG