T A G H A P

TAGHAP

dangpanan sa buhat nga walay kasiguroan,

may mabikwang,  dili tataw ang matag tikang,

may mabuwasot gumikan sa taghap,

haguka ug lubog kanunay  ang padulngan,

apan bisan pas kakulangan,

sa taghap daghan ang mamuhunan,

bitamina kuno kini sa sugalan,

managhap aron makaimpas sa utang,

 may magpatuy-od taghap himoong saaran,

bisan pa sa edad nga nagkamang na sa kakaraan,

 panaghap gipadayon basin pag may kabinlan,

 sa kakugihan niyang mangitkit ug  binkang tinan-ogan,

apan wala’y kumo gayod sa pagkamaantigo,

imong mapahat dili taghap kon dili singot ug kahibalo…