HUPAS NGA KALIPAY

HUPAS NGA  KALIPAY

may maglumpayat kay nalipay,

magbungisngis ug mag-inusara nga malipay,

pakalitan iyang kalipay daw tinud-anay,

apan kon atong paladman ang talan-awon,  

gibiyaan na niya ang kalipay sa dayon,

sa subrang bisyo, iyang utok napalong,  

sagad kalipay mubathay sa panagway,

may luha sa kalipay, may singot sa kalipay,

 ug may mga  kinawatkawat nga kalipay,

 sa sinugdanan siya  makaingon:

Usa ka adlaw niana, nakaplagan ni Gorio ang iyang kalipay.

“Kasuwerte nakaplagan nako si Inday. Maayo ni barato, presko ug bag-o pa kuno. Gibuligan ko sa panahon  sa kasaraban nako'ng mangita ug kalipay.” ni Gorio pa nga nagtingsi.

Nagpanilap si Gorio sa ukayunon niyang kalipay.

apan pila ka adlaw lang ang milabay,

ikaw nahibulong ug nakulbaan,

 kalipay'ng sinuroyan may sangputanan,

ikaw maunay, masikwate, maputlan kag kalipay,

ikaw diay nataptan ug  sakit nga molaygay,

sa dili madugay, mohupas na  imong kalipay….