N A W O N G

NAWONG

sud-ungonon kini  nga magpaila,

magamit kon makig-ila ila,

sagad nawong ang makita,

kon ikaw magul-anon ug magmaya,

nawong dili makit-an kon sa gugma ikaw matumban,

apan ang nawong makalimtan kon lingin ang katuyuan,

may kusog mututok sa kabulakan,

kusog kaayong mosingo hangtud masud-ipan,

kanunay’ng magpanilap sa lamian’g talan-awon,

siya ang naghupot ug  bastos nga nawong,

pinulbusan ang nawong sa kugihan,

sabakon ug kilay nga tinupihan,

bulingit ang nawong sa  pinasagdan,

sa abog iyang nawong wiriswirisan,

   magpiratpirat, iyang  nawong magkulismaot,

may maghalhal unya magbagotbot,

nawong niya kanunay’ng alimuot,

sayon siya’ng maala-ang mangunguot….