K U L B A H I N A M

KULBAHINAM

magpamahit, magpanakla ug magpanilap,

singot ug kalimutaw manglugsot

 ug may makapiyong ug magkanguhal,

kon kakulbahinam nga makasukarap,

ang tuyo natong ukiton ug  tutukan,

magkadaiya ang iyang  gigikanan

sagad may kulbahinam kon  ikaw lamian,

imong  mga mata musulirap daw gitiawan,  

may pipila’ng ang gininhawa magpangapkap,

may musulikat ug kon masubraaan may malibat,

kulbahinam, kakulba kini ug kahinam,

 pagkadili masabot kon kini imong masinatian.