T A M B A L A N A N

TAMBALANAN

dad-anan sa binuhat nga natakboyan,

ug dili lalim nga  kalisdanan sa kalawasan,  

sakitsakit,  may mga nawong magping-it,

 mga hubagan,  mga danagan, dretso's tambalanan,

aduna pu’y mga maglisod na'g patuy-od,

panagsa na lang mamilok, magsaguyod,

 kining tanan sa tambalanan ayudahan,

ikaw alalayan,  dili ka gayud atrasan,

hangtod naa pay makuot imong panudlanan,

 delikado kon sa andamonon ikaw mahutdan,

 sigurado’ng dili lamang sa ganghaan ikaw masiradoan, apan hasta's imong  panan-aw ikaw mapagngan,

sa kaulahian,  may masud-ipan ug makuyapan,

kon  maliog sa  dako kaayo’ng bayranan nga mabasahan...