S I N E H A N

SINEHAN

pasundayaganan sa nagkadaiyang talan-awon,

managhigalaay, managhigugmaay, mahimut-on,

may kulbahinam,  may mangahadlok, may mangatawa,

may magsalimuang, mga luha mag-agos sa drama,

mga esena'ng makapalugwa sa mata,

kining tanan,   dili liatan sa mga hinan-gaw ug salida

katawhang naghugop sa hinukad nga kalingawan,

sa sinehan  magkalainlain  ang katuyuan,

sa sinehan manggawas ang tinagotago'ng halok,

may musangpot ug hugot kaayo'ng kupot,

sa sinehan lingawon ka's kombinasyon sa dahunog

sabakon kini sa hinagtok nga   makapakurog,

katin-aw gayud sa talan-awon'g  daw sa mata manuslok,

mga binag-ong salida, pagkanindota, daw tunok,

kinatin-awan, kinakusgan nga sinehan,

sud-ongon  ang talan-awong may katagbawan..