P L U M A

PLUMA

galamitonon kini sa pagsulat,

 mohatod ug mensaheng makapalunhat,

 pagdayeg, panaway, panahum, panginlabot,

 may manaot, may malipay, may magbagotbot,

 hinagiban sa hait ug tinan-awan,

 batid sa pagpadayag sa  nagbukal nga hisgotanan,

larino sa talagsaong katakos nga gihuptan,

mangutingkay sa mga siwil ug  bantayanan,

giingong ang pluma mas hait pa, 

sa taas, talinis, hait  ug dako nga espada,

way lipodlipod  muyagyag sa kamatuoran,

magbilin kinig lama ug tunob nga kapaambitan,

taming kini sa kahimatngon ug kasayuran,  

himoong tigbayon ug sulondon sa kadaghanan..