S A K A Y A N

SAKAYAN

Sakayan, galamiton paglawig sa kadagatan,

Taas nga panahon ug katuigan, iyang saksihan,

Lumpatlumpat sa balod iyang naagian,

Kainit hasta tun-og sa kaadlawon natilawan,

Paglingkawas sa tamparos sa panahon,

Iyang gibarogan, hadla sa kadagatan sugaton,

Apan kon  gabok nas katigulangon ang mukusokuso

Ang kanhing sakayan nga kusgan nga makiglampaso,

Mag-inusarang magtakilid sa dakong suok,

Mahimong pinasagdan, himoong  han-okanan sa kalimot…