B A Y A N I

BAYANI

 

kini pag-ila sa buhat nga talagsaon,

sa pagdayeg ug pagtahod ang bayani paga-ilhon,

 

kasagaran iyang ngan mapatik sa giagup-upang basahon, atong yutang tabunon namuwak sa buhat nga bayanihon,

 

lain laing buhat ang kabayanihon nga mabaniog,

may bayaning dag-on sabaan,  ug may kaikog,

 

giingong bayani's mga pordoy si Bonifacio,

samtang si Rizal gipaluyuhan sa dagko’g negosyo,

 

kon ikaw makit-ang matinabangon sa uban,

 kon molaban sa kawsa's katawhan, kinabag-an,

 

dili ka pa dali-dali nga  mahimong bayani,

paghulat, palihug hangtod imong hulagway nga magngisi,

 

madeparahan, magamit sa mga nangitngitan,

magbansiwag, ikaw himoong iwag sa agianan,

 

sa sudlanan ug posporo imong nawong kuninitan,

 imong kabayanihong nahuptan dili gayud makalimtan.