Kaban ni Atty. J. B. Jimenez: PAGLURANG SA UNOS

PAG LURANG SA UNOS

Igo Na lamang Sa Pag Pamunit,

Sa Mga Patay Nga Mga Damgo,

Wala Nay Nahabilin Pang Kainit,

Nag Tinga Na Gani Ang Kahiamgo,

Samtang Nag Hangad Sa Langit

Nngandoy Kon Aduna Bay Bag-o

Nga Hayag Diha Sa.Kangitngit,

Namopho Sa Mga Buak,

Nga Mga Handumanan,

Basig aduna Pay Gihay sa Bulak,

Sa Harden Sa Kalapokan

Nanghagdaw Sa Mga Nahunlak,

Nga Mga Tumong Ug Tingusbawan,

Namasin Kon Makatagik Pa Ug Balak,

III

Miduaw Sa Nailong Lapyahan,

Nga Sa Unos Intawon Gisakit,

Mibalik Sa Gapnod Nga nakalimtan,

Sa Mga Hinigugmang Namakwit,

Nag Hinoktok Kay Tinalikdan,

Gibinlan Lamang Ug Kapait,

Alaot Intawon Kay Biniyaan.

Igo Na Lang Sa Pang Hupaw,

Kay Gi-anod Na ang Paglaum,

Kahapdos Sa Pagka Upaw,

Ug Kaugmaong Way Mohaum,

Mga Pangaliyupo Na Lay Molapaw,

Didto Sa Langit Nga May Dag-um

Unta Bidlisiw Ang Mosapaw.

Sa Pag Lurang Sa Unos,

Unta Mopuli ang Kahayag,

Ang Pag Bangon Unta Mobanos,

Ug ang Paningkamot Maga Layag,

Sa Pag Biya Sa Dakong Signos,

Ang Bag-ong Paglaum Mopadayag,

Ug Ang Kaisog Walay Maka Menos.

KAHAYAG