K A M P A N Y A

KAMPANYA

buluhaton, hinagiban matag piniliay,

diskursohay, yinagyagay sa baho ipabuhagay,

mga edaran himoong batan-on ilang hulagway,

lamasan sa mga panaad nga makabuhig patay,

hasta igham, hagawhaw ug hunghong magkataykatay,

karmelitos, sensiyo, sigarilyo, magamit sa dinawatay,

“Ako ang nagdala's tingog sa kausaban!!” lanoglanog nga tingog sa bantawan.

ug may moingon,

"Kon dili ako kinsa man? Kon  dili karon kanus-a man?”mahagitong pangutana sa mga mat-an nga midagan.  

hastang pagkangilngiga na lang gayud,

nanggimok ang nangangkong nagsulti sila’s  tinuod,

kampanya, mga migo ug mga miga, nuntan ta,

KAMPANYA, pinupuay kini  sa boto de kompyansa..