Kaban ni D_BystandeR: MAY GITAGOAN BA ANG RESULTA SA PAGPANGHILING SA MGA GIDUDAHANG UNGO SA GIDILI NGA DRUGAS??

Anhi dinhi maila kon unsa kamatinud-anon si Mayor Mike sa kampanya batok sa ginadiling drugas. Kay ang gihimo niya nga pagpanalipod niadtong mga empleyado sa city hall ug sa mga naglibut nga mga trabahante sa barangay halls nga dili gani niya gusto mga mailhan sa publiko human nga nasakpan sa "drug test" nga gipahigayon sa COSAP aron kuno sa pagpanalipod sa mga hitungdan nga dili mauwawan maoy nahimong babag sa pagkab-ot ug kalampusan sa kampanya batok drugas.

Kadaghanan sa mga  drug test nga gihimo sa COSAP kanunay gyud nga dunay masakpan nga adik apan way kaso kay di man mapapha sa katungdanan kay igo ra mang ipadala ni Mayor Mike ngadto sa "rehabilitation" unya makabalik pa sa trabaho inigkahuman sa rehab.

Way kapuslanan ang gipahigayong "drug test" sa COSAP ngadto sa mga empleyado sa city Hall kay bisan ug nahuman na ang  ilang gihimong pagpasabut sa nagkalain-laing mga buhatan mahitungod sa mga dautang epekto kon ikaw mogamit ug ginadiling drugas, aduna gihapoy pito ka buok pulos mga lalaki ang ilang nasakpan nga mga adik. Kon dili usbon ni Mayor Mike Rama ang iyang polisiya nga ang masakpan nga mga adik dili palagpotonsa trabaho kay igo lang ipa-rehab, way kahumanan ang problema sa mga adik nga anaa magloklok sulod sa City Hall.

Footnote: This comment came out in connection with a Sunstar headline, "Ipataktak ni Rama ang mga protector." This refers to a news report in Barangay Talamban, Cebu City where the barangay captains claim there are unidentified police protectors involved in the rampant proliferation of illegal drugs in the community.