Kaban ni Atty. J. B. Jimenez; PAMASONBASON

P.....A...... M......A.......S.....O.......N..........B.......A......S........O......N.

i

Gipatuyhakaw Ko Ang Akong Mga Paglaum,

Bason Pa'g Sa Mga Panganod Kintahay Mohaum,

Gipalupad Ko' Pa Ang Usa Ka Libo Nga Mga Damgo,

Bisan Pa'g Dugay Na Untang Nahitagpilaw King Kahiamgo,

Ug Gibaid Ko Pa Gayod Ang Suwab Sa Gitay-an Ko Nang Dagang,

Namason Bason Gihapon Nga May Nahabiling Kalantip Ug Kaugdang. .

Gibalikan Ko Man Gani Ang Nag Mingaw Nga Lapyahan Sa Atong Kagahapon,

Nang Hagdaw Sa Mga Tipaka Sa Mga Handumanang Gitipon.,,,Namason

Bason . . . .

ii

Didto Ko Himatikdi Ang Kalaay,

Nga Inanay Nga Mituok Sa 'Kong Kalipay,

Sa Maong Gutlo' Ko Himatud-ing Anino Na Lamang,

Ang Mga Damgong Gitukob Sa Nag Buntaog Nga Salimuang,

Ang Kanhing Mahait, Malantip Nga Mga Suwab Sa Pagtagik Ug Balak,

Maingon Tang Ika Tandi Sa Mga Dahong Nanga Pulak....Nanga Hunlak,,,,

Igo Na Lamang Moyahat sa Mapahitas-ong Mga Pannganod, , , , ,

Igo Na Lamang Mamason Basong Ang Mga Garay Dili Ma-anod. . . . .

iii

Apan Bisa'g Unsa Pa Kalaay Ang ang Mga Gutlo',

Mangahas Gayod Akong Ang Mga udlot Sa Dagang Makutlo'

Bisa'g Babagan pa Ako Sa Mga Nag Buntaog Nga Mga Dagkong Hagit,

Ipatuyhakaw Ko Gayod Bisa'g Wala Na'y Umoy, Ako Kining Isinggit.......

Itagik Ko ang Mga Pulong Sa Balak Bisan Ug Hagawhaw Ug Bawhag,. . . . .

Ug Isulat Ko ang Mga Nota Sa Salomang Pagaw., Ug Yabag . . . . . . . . . . . . .

Namason Basong Mabanhaw Pag Usab Ang Mga Pangandoy'ng Patay. . .

Ug Human Sa Mga Tuig Nga Milabay. Kining Gugmang Nag Hanot Molahutay . . . .

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)