K A L I P A Y

         

ang kalipay, lunsay, makahupay,
makapawala sa kamingaw ug kalaay
manggimok, mopapitik, mohulagway 
 sa buhat, ibabaw ug ubos sa kamay... 

 ang kalipay musapnay sa binatiay
modan-ag sa kangitngit nga mangumbitay
gitinguha, gimithi ang kalipay
ni dodong ug inday...

nga magpauraray, magkinuptanay
taliwala sa   pagpanukod ni dodong, si inday
 mudawat sa mainitong saad sa gugma'ng dalisay
alang sa katagbawan'g ginganla'g  kalipay...