M O S K I T E R O

MOSKITERO

panagang sa mga sipat nga lamok,

likay sa mga kusog mosuyop ug manuslok,   

moskitero pangandam sa lawom nga hinanok,

sa mga kugihan,  salag kini sa mainit nga hangop,

mga palahubog, dugay’ng makauli, lakwatsero

mga badlongon, dili pasudlon sa moskitero,

mga inday ug dodong nga  mahiligong magmoskitero,

magngisi ug magtingsi kon makasulod na sa moskitero, 

parayeg ukayon, mga bungot sabongon,

sulod sa  moskitero,  tukbilon,  tunhayon, tugkaron,

tambalan,  ang kagil-as sa kagabhion,

sulod sa moskitero, madimdim ang tam-is nga pahiyom..