A M E R I K A N A

AMERIKANA

tuskig, tikig, hasta korbata puwerte kagahi,

kon amerikana isul-ob daghan ang makalingi,

daw gitilaan ug bitin sa  kasinaw ang  buhok,

sa nag amerikana,  humot nga nawong dili piyahok,

lamasan ug gilokon nga bungot sa nagsul-ob,

tik-tak nga sapatos, makapahimuot, dili kini biya sa urog,  

sigurado, sa amerikana, ikaw makapangagda…

 “ikaw ba kini, ikaw gyud lagi...”

“murag ikaw, murag dili lagi..”

sa amerikana, nga masul-ob ikaw makawani,

imong pamarog ug postura sigurado’ng dili maapeke,

lahi kini sa amerikana nga talan-awon

nindot, lalim ug ikaw daw lamaton,

kay subra katag-as ang ilang silong...

daugon mo na lang kini sa tam-is nga pahiyom...