Y A M Y A M

YAMYAM

 

pulong kining hinapinan,

baba magkibotkibot daw nagutman,

 

inukit ang yamyam, nagikan kini's kakaraanan,

may magpiyong samtang magyamyam,

 

 may matang magsiga walay pupamilok,

magyamyam,  inabtikay kini nga palusot,

 

sa mga  mutuotuohon, dili kini ikahimuot,

yamyam magdala ug  dili tiaw nga pasingot,

 

tiaw mo bay, ang lumoy pagahion, gahi palumoyon,

ang lisod, himoong sayon, ikaw daw lamaton,  

 

yamyam suwayi kon mosaler, kini tinuod,

kon mopalyar,  ikaw mahibulong, mag-aginod,

 

dili kini yamyam,  ikaw napilian, 

ikaw napurohan,  naabtan,  gikomedyahan lang..