Kaban ni Inting Botikol (JSL): MAAYO BANG MAGDALI-DALI KITA?

Niadtong Sabado, Agosto 18, 2012 nagdali-dali gyud si DILG Secretary Jessie Robredo sa pagpauli sa ilaha didto sa Naga City.

Gumikan sa iyang pagdinali-dali gibalibaran niya ang hangyo ni Consolacion Mayor Teresa Alegado nga mo-overnight stay dinhi sa Cebu.

Gumikan sa pagdinali-dali giusab niya ang iyang flight schedule imbis adto siya mosakay sa  Cebu Pacific flight, ngadto siya misakay sa gamayng  abyon  nga gimaneho  ni Capt. Bahinting, piloto ug tag-iya sa Piper Seneca.

Resulta:  Na-crashed didto sa dagat sa Masbate.

Sa kadaghang buluhaton sa Malakanyang,  si Presidente Ramon Magsaysay wala gayud papugong kang Don Sergio Osmena nga mihangyo kaniyang palabyon lang ang kagabhion dinhi sa Sugbo ug pagkasunod adlaw na lang unta  mobalik sa Manila.

Resulta: Na-crashed si Magsaysay uban sa 26 ka buok opisyales sa kaulohan sa Marso 17, 1957 didto sa Mt. Manungal, Balamban, Cebu. “ang pagdali-dali lagmit kini mabali!”

(Bug-os ang pasalamat sa  KAHAYAG  ngadto sa nagsulat sa  artikulo   nga si  JENNER S. LOBEDICA. Nagtakuban siya sa pangalan, "Inting Botikol".  Usa siya ka magsusulat sa mga lokal nga peryodiko sa dakbayan sa Sugbo  isip magtatampo ug mga binisayang artikulo ug  uban pang mga tagik sama sa sugilagming.  Nagsugod siya sa iyang panulat sa tuig 1982. Gradwado siya sa kursong abogasya sa University  of San Jose Recoletos)