PACMAN BATOK VARGAS



PACMAN BATOK VARGAS

kinsa man kanilang duha ang magmadaugon?
petsa 6 sa Nobiyembre,   minilyon ang ilang lingawon,

binilyong salapi ang magpasad sa ruydahan,
gani hasta  pulta, taga liog na ang kataas sa bayranan,

 si Vargas ba, sa iyang  gitas-on ug tag-as nga kasway?
mosaler ba ang bungot ni  Pacquiao nga palaaway?  

ang mga sugarol nangaukay,  dili mahinultol,
sa inilog ba sila? o sa mahubuan ba ug purol?

daghan ang panagna nga   namugna sa hunahuna,
may pipilang moingon, “ang gaba dili magsaba!”,

may nanagna’ng mulukapa si Vargas sa  kaparotan,
apan delikado pud kuno si Pacquiao nga gikaintapan,

kahigalaan,  kombati  taliwala sa luna ang  boksing,
paaboton nato'ng  dunay   motakingking ug mosaliring...

Comments

Popular Posts