Monday, April 30, 2018

KAPUGNGAN PA’NG BAHA, NUNGKA ANG GUGMA

KAPUGNGAN PA’NG BAHA, NUNGKA ANG GUGMA

Gihubit gikan sa basahon’g kinaraan,
Giladlad hangtod ning gahob nga kabag-ohan,

Dili kuno mulubad  ang lunsay nga  gugma,
May panagsa na lang mamilok, may magsalimuang,

Kini talan-awon sa gugma’ng gipasubraan,
Sakto-sakto lang, basta kinablitay dili gyud pakuwangan, 

Mabulokon gayud kon si Kupido,
Mamana, kon ikaw maigo ilabi na’g matangkugo?

Dili ka na magpangutana pa,
Andam ka’g tagana, ang tanan nimo maratsada,

Basta makapatuyhakaw lang ug makapaursa,
Kay kuno,  kapugngan pa’ng baha, nungka ang gugma…  
Post a Comment

P A G A T A S

PAGATAS pagatas, pagatas,   sa init nga sabaw kini manghaw-as,   sa init nga hinigupay, ang gutom maluwas,   pangandam kini sa...