Sunday, May 13, 2018

KARAMBOLA SA POLITIKA

KARAMBOLA SA POLITIKA

makapakitbi sa atay ang pamolitika,
giingong panaghigalaay mabungkag sa pamolitika,

mahan-okan gayud  ang  karambola sa politika,
sinawayay,  pamutangbutang nga walay giila,

sa piniliay ipasiatab nga nakaplagan na
kuno ang yawe, tubag ug sulbad sa problema, 

kabubut-on sa katawhan kuno ang tumanon,
apan sa kaulahian,  katawhan mag-ilaid lang gihapon,

nindot, mabulukon matag karambola sa politika,
mainiton kining gasa  sa kagawasan ug demokrasya…

No comments:

HINGWARTA

HINGWARTA tuburan sa inabtik nga linihokan, walay lisod kay kuwarta gisaligan, waldas ngadto ug ngari, bahalag ang gikuwarta...