B A L H I B O

BALHIBO

panurok kining nagpahibalo sa pangedaron,

may mga bilyakong tuyo nilang  gipangita opawon,

gipahawanan aron kuno sa arangkada dili atsihon,

mahimo kining sukdanan sa pagkamaalagaron,

 may balbon,  kon  ang balhibo  labong,

balbas-pusa ang nipis nga  balhiboon,

 may mga binuhat nga subra ka balhiboon,

maalaang  aliwas, sa kuto sila sabakon, 

giingong ang mamugnaw, nakuyawan  kay nabalhiboan,

may manginit kay nakakita'g balhibo nga dili kasarangan,

may mangandoy ug balhiboon, gusto niyang maangkon,

 ang importante, balhibo nga tukma sa atong buluhaton...