L A M P I N G A S A N

 

LAMPINGASAN

 

daw bundak sa liti imong madunggan,

kon sa pagkalampingasan ikaw manganlan,

 

salbahis, tig-a, suberbiyo pipila lamang,

sa dibuho nga mopaila sa lampingasan,

 

kaaghop, kamahunahunaon sa uban,

kamanggihatagon, pakigsandurot sa katilingban,

 

pangontra kining tanan sa pagkalampingasan,

kinuptanay alang sa katunhay ug kahiusahan,

 

mga bahandi kining tanan sa maayong pamatasan,

mga giya kini palayo sa pagkalampingasan.