P A S K O

 

 

PASKO

 

tapokanan ug han-okanan,

ang pasko's mga saaran,

magkapuliki ang mga ninong ug ninang,

mga bata, batan-on, hamtöng ug tigulang,

magkadaiya ang ilang linihokan…

 

mga bata magkayamukat,

mga ginikanan magkabayayat,

malukop lang ug pabug-at,

maningkamot ug pangapkap,

mamalit ug pinaskohan’g  magsukarap…

 

mga batan-on mag-iyahay

magpaindigay, magpaibogay,

mimis ug kutis, tul-id pa ug hapsay,

magkadaiya ang bulok sa panagway

bag-ong urog, kanunay’ng gisubay… 

 

mga hamtong ug tigulang mangyawat,

mamasin'g sa daginotong kusog makadalikyat,

pagsabwag ug kalipay'ng dili maahat,

kon mapagngan, ipaagi’g kidhat na lang,

kalipay sa pasko  ilang pangandaman,

 

sa dinawatay'g hinatagy'g pinaskuhan,

makalitan,  makulbaan, may mangayo’g tabang

pagkamabulokon sa pasko,  maratsada ang tanan,

mga amigo, mga amiga ko, pasko, pasko, pasko,

adlawong natawhan kini ni Kristo...